Вор (Конкурсное задание: Вор)
Мин ыалдьан хаалбытым. Ийэм үлэтиттэн көҥүллэппитэ. Аҕам сыллааҕы отчуотун сүтэрбитэ, ол иһин кинини үлэтиттэн үүрбүттэрэ. Онон ким да ханна да ыксаабат курдуга. Оннооҕор эбээм. Бытааннык, сэниэтэ суох аһыы олорбуппут. Уопсайынан, бу күннэргэ бэл уоруйах биһиги квартирабытын талбытыттан да көрдөххө табыллыбатыбыт.
Аан күлүүһэ аргыыйдык тыһыгыраата.
— Олус сымса дии! – аҕам хайҕаата. – Опыттаах киһи буолара көстөр.
Ийэм:
– Дьиэ үөһэ өттүгэр тахсар ини... Антах бөх-сах мунньуллубута ынырык!
– Уонна бөх таһаардаҕына бэрт буолуо этэ, – миигин кырыы хараҕынан көрөн, эбээм эптэ.
Биир мүнүүтэнэн уоруйах аһыыр хоско киирдэ. Кини манна бачча элбэх дьону көрөрүн күүппэтэҕэ тута көстөр этэ. Санаарҕааһын кинини баһыйда быһыылаах. Уоруйах өрө тыынна.
– Тоҕо тугу да ылбатыгыт? – ийэм төбөтүн хамсатар.
– Хайдах эрэ тугу да наһаа сөбүлээбэтим, – уоруйах кистээбэккэ эттэ.
– Сомуогу олус сымсатык арыйдыгыт, – аҕам хайҕаата. – Мин бартыбыалбын көрүөххүт дуо? Күлүүһүн сүтэрэн кэбиспитим, онон сатаан арыйа иликпин.
Уоруйах бартыбыалы ылан сомуогун булаапканан хас да сиринэн анньыалаата. Бартыбыал аһылла түстэ.
– Вадик сонун тардыы тимэҕэ харан хаалбыта, – ийэм өйдүү биэрдэ.
Уоруйах соммун ылан тимэхпин абырахтаата.
Аны эбээбит сэргэхсийэ түстэ:
– Холодильникпыт аһары тыаһыыр. Ыалларбыт үҥсэллэр.
Уоруйах холодильник кэннигэр тугу эрэ хаста, тугу эрэ эргиттэ, ол кэннэ холодильник "уоскуйда".
– Бу чааскыны ылыҥ, – эбээм көрдөһө олордо. – Биһигини кытта олорон чэйдэ иһиҥ. Бу хаппыысталаах бэрэскилэр бааллар. Сөбүлүүгүт да?
– Сөбүлүүбүн, – уоруйах тоҥхох гынна. – Ол эрэн мин бэрэскини уорарбар антах хайыһаарыҥ.
– Тоҕо бэрэскини уоруохтааххытый? – биһиги сөхтүбүт. – Мээнээх ылыҥ ээ.
– Мээнээх миэхэ сатаан табыллыбата буолуо, – уоруйах саарбаҕалаата.
Кини бэрэскилэр диэки илиитин уунна. Илиитэ дьик гынна. Биһиги, санаабытыгар, тыыммат да буоллубут. Уоруйах хараҕын быһа симтэ уонна дьэ бэрэскини ылла...
Биһиги ытыспытын таһынан киирэн бардыбыт.
– Табылынна! – бэрэскини ыстыы-ыстыы үөрдэ уоруйах.
– Буллум! – аҕам бартыбыалга сыллааҕы отчуотун булан өрөгөйдөөтө.
– Ыалдьыбат! – диэн күөмэйбин тыыта-тыыта хаһыытаабытым.
Мин үтүөрбүтүм. Аҕабын төттөрү үлэтигэр ылбыттара. Оттон урукку уоруйах метро аттыгар хаппыысталаах бэрэскини атыылыыр. Биллэн турар, эбээ киэнин курдук буолбатах, ол гынан баран эмиэ үчүгэй. Сиэххэ сөп. Бэйэм амсайан көрбүтүм.
Аан күлүүһэ аргыыйдык тыһыгыраата.
— Олус сымса дии! – аҕам хайҕаата. – Опыттаах киһи буолара көстөр.
Ийэм:
– Дьиэ үөһэ өттүгэр тахсар ини... Антах бөх-сах мунньуллубута ынырык!
– Уонна бөх таһаардаҕына бэрт буолуо этэ, – миигин кырыы хараҕынан көрөн, эбээм эптэ.
Биир мүнүүтэнэн уоруйах аһыыр хоско киирдэ. Кини манна бачча элбэх дьону көрөрүн күүппэтэҕэ тута көстөр этэ. Санаарҕааһын кинини баһыйда быһыылаах. Уоруйах өрө тыынна.
– Тоҕо тугу да ылбатыгыт? – ийэм төбөтүн хамсатар.
– Хайдах эрэ тугу да наһаа сөбүлээбэтим, – уоруйах кистээбэккэ эттэ.
– Сомуогу олус сымсатык арыйдыгыт, – аҕам хайҕаата. – Мин бартыбыалбын көрүөххүт дуо? Күлүүһүн сүтэрэн кэбиспитим, онон сатаан арыйа иликпин.
Уоруйах бартыбыалы ылан сомуогун булаапканан хас да сиринэн анньыалаата. Бартыбыал аһылла түстэ.
– Вадик сонун тардыы тимэҕэ харан хаалбыта, – ийэм өйдүү биэрдэ.
Уоруйах соммун ылан тимэхпин абырахтаата.
Аны эбээбит сэргэхсийэ түстэ:
– Холодильникпыт аһары тыаһыыр. Ыалларбыт үҥсэллэр.
Уоруйах холодильник кэннигэр тугу эрэ хаста, тугу эрэ эргиттэ, ол кэннэ холодильник "уоскуйда".
– Бу чааскыны ылыҥ, – эбээм көрдөһө олордо. – Биһигини кытта олорон чэйдэ иһиҥ. Бу хаппыысталаах бэрэскилэр бааллар. Сөбүлүүгүт да?
– Сөбүлүүбүн, – уоруйах тоҥхох гынна. – Ол эрэн мин бэрэскини уорарбар антах хайыһаарыҥ.
– Тоҕо бэрэскини уоруохтааххытый? – биһиги сөхтүбүт. – Мээнээх ылыҥ ээ.
– Мээнээх миэхэ сатаан табыллыбата буолуо, – уоруйах саарбаҕалаата.
Кини бэрэскилэр диэки илиитин уунна. Илиитэ дьик гынна. Биһиги, санаабытыгар, тыыммат да буоллубут. Уоруйах хараҕын быһа симтэ уонна дьэ бэрэскини ылла...
Биһиги ытыспытын таһынан киирэн бардыбыт.
– Табылынна! – бэрэскини ыстыы-ыстыы үөрдэ уоруйах.
– Буллум! – аҕам бартыбыалга сыллааҕы отчуотун булан өрөгөйдөөтө.
– Ыалдьыбат! – диэн күөмэйбин тыыта-тыыта хаһыытаабытым.
Мин үтүөрбүтүм. Аҕабын төттөрү үлэтигэр ылбыттара. Оттон урукку уоруйах метро аттыгар хаппыысталаах бэрэскини атыылыыр. Биллэн турар, эбээ киэнин курдук буолбатах, ол гынан баран эмиэ үчүгэй. Сиэххэ сөп. Бэйэм амсайан көрбүтүм.
