28
Баллы
жюри
1
Баллы
читателей

Станислав Востоков "Зуб" Из книги "Ветер делают деревья" (Конкурсное задание: Птицы: самые легкие и самые тяжелые)

Тиис
Бүгүн сарсыарда өйдөммүтүм, арай инники тииһим тулхаҥныыр буолан хаалбыт. Наһаа куттанным! Уһуйааммар айаннаан иһэн, наар тииспин тылбынан тыытан оонньоотум уонна хайдах да тохтуур кыаҕым суох этэ.
Тииһим тулхаҥныыр диэн бөлөхпөр тиийэн кэпсээччи буоллум, онуоха бары көрүөхтэрин баҕардылар уонна уочаратынан иэҕэҥнэттилэр, хаһан сап курдуктан эрэ иҥниэр диэри.
“Эн, арааһа, туох эрэ кутталлаах ыарыынан ыалдьыбыккын”,- диэтэ Юля. “Ийэм кэпсиир этэ, киһи тииһэ барыта түһэн хаалар кутталлаах ыарыыта баар диэн”.
Онтон хойутаабыт Лосев кэллэ. Мин тииһим тулхаҥнаабытын кэпсээбиттэригэр, кини эмиэ тииспин хамсатыан баҕарда. Лосев илиитин айахпар укта уонна тииһим көтөн хаалыар диэри тарта.
- Эн олох долгуйума, - диэтэ Лосев, - билигин төттөрү олордуохпут. Туох эмит ыараханы аҕалыҥ!
Сонно Маша иитээччигэ сүүрдэ уонна ынырыктык куттаммыттыы тиистэрим барыта саккыраабыттарын кэпсээччи буолла.
- Түһэрэ сөп, -диэн хоруйдаата Вера Александровна, - уон сааһыгар барыта түһүө.
- Хайдах барыта түһүөй? – мин куттанным. – Оччоҕо хайдах аһыыбыный?
- Эйиэхэ саҥа тиистэр үүнүөхтэрэ – олохтоох, оттон бу – ньирэй, үүт тиистэриҥ.
Лосев төбөтүнэн иҥнэх гынна:
- Дьэ өйдөөтүм, ол иһин даҕаны убаҕас эбит.
Комментарии
Вход и регистрация в Папмамбук
Зарегистрироваться на Папмамбук

Введите имя и адрес вашей электронной почты, на который мы вышлем ваш личный пароль